Loading ...
Sekretari i Përgjithshëm i NATO-s, Mark Rutte, ka mbështetur sulmet e fundit të Shteteve të Bashkuara ndaj objektivave ushtarake iraniane, duke i cilësuar ato si “absolutisht të nevojshme”.
Duke folur për gazetarët pas mbërritjes në samitin e NATO-s në Ankara, Rutte deklaroi se reagimi i Uashingtonit ishte i justifikuar pas, sipas tij, shkeljes së armëpushimit nga Irani.
“Mendoj se ishte absolutisht e nevojshme, sepse kur ke një armëpushim dhe Irani në thelb po e shkel atë – e pamë çfarë ndodhi dje me anijet që u sulmuan”, tha kreu i NATO-s.
Ai shtoi se një reagim i vendosur nga SHBA-ja ishte i domosdoshëm për të garantuar sigurinë në rajon.
