Loading ...
Një banesë është përfshirë nga flakët mbrëmjen e sotme në zonën e Niklës, duke u shkrumbuar pothuajse plotësisht.
Sipas informacioneve paraprake, fatmirësisht nuk raportohet për persona të lënduar. Menjëherë pas marrjes së njoftimit, në vendngjarje kanë mbërritur forcat e shërbimit zjarrfikës të Krujës, të cilat kanë ndërhyrë për vënien nën kontroll të flakëve.
Falë ndërhyrjes së shpejtë të zjarrfikësve, është bërë e mundur izolimi i zjarrit, duke shmangur përhapjen e tij te banesat e tjera pranë.
Nga të dhënat e para dyshohet se shkaku i rënies së zjarrit ka qenë një defekt në rrjetin e energjisë elektrike, ndërsa grupet përkatëse po vijojnë verifikimet për të përcaktuar rrethanat e plota të ngjarjes./abcnews.al
