Loading ...
Presidenti i UEFA-s, Aleksandër Çeferin tha pak ditë më parë se ka shumë ndeshje me pak interes në këtë turne.
Ndoshta ka menduar së pari për këtë Ganë-Panama, në grupin L.
Ishte një nga rastet e rralla kur stadiumi nuk ishte plot, ndonëse tribunat në Toronto ishin mbushur deri në 93 për qind të kapacitetit.
Në impiantin kanadez ishin rreth 2800 tifozë më pak sesa numri i vendeve të ulura, e nga ana tjetër ndeshja nuk ishte për t’u mbajtur mend gjatë.
Gana fitoi me rezultatin minimal 1-0, madje me gol shënuar fare në fund.
Panamaja ishte fare pranë pikës së parë në kupat e botës, ndërsa kjo është pjesëmarrja e dytë, ashtu si ajo e Republikës Demokratike të Kongos.
Për amerikanoqendrorët janë 4 humbje në 4 ndeshje.
Ata dhanë më shumë në fushë, duke mbajtur topin 62 për qind, e duke bërë shumë më tepër goditje.
Gjithsesi, rastet ishin tepër të pakta për të dyja skuadrat.
Gjithsesi, goli I shënuar nga Jirenki në minutën e pestë shtesë siguroi tri pikë tepër të rëndësishme për Ganën, e cila ka shanse të mira të kalojë grupin, e madje të luftojë për vend të dytë.
I mbetet detyrë të marrë qoftë edhe barazimin me Kroacinë në ndeshjen e tretë në grup.
