Shpërndanin drogë/ Gjykata e Vlorës lë në burg të arrestuarit e operacionit “Grupi”

Gjykata e Vlorës ka caktuar masën e sigurisë “arrest në burg” për shtetasit e arrestuar dy ditë më parë në kuadër të operacionit policor të koduar “Grupi”.

Po ashtu, e njëjta masë sigurie është vendosur edhe për shtetasin e përfshirë në ngjarjen e plagosjes së ndodhur të dielën në Vlorë, pranë rrethrrotullimit të lagjes “24 Maji”.

Seanca gjyqësore u zhvillua këtë të enjte dhe u drejtua nga gjyqtarja Renata Koçaqi, e cila pranoi kërkesën e Prokurorisë për caktimin e masës së sigurisë “arrest në burg” për të gjithë të dyshuarit.

Me këtë vendim, gjykata la në fuqi kërkesën e organit të akuzës, duke vlerësuar se janë plotësuar kushtet ligjore për aplikimin e kësaj mase sigurie./abcnews.al