Loading ...
TIRANË- Superlativat për të nuk kanë të mbaruar. Tifozët e Esteglalit dhe mediat në Iran vazhdojnë me vlerësime të jashtëzakonshme për Jasir Asanin, dhe klubi nga Tererani ka vendosur të kalojë në sulm.
Siç mësohet nga portalet e Gjirit Persik, drejtuesit po përpiqen që të bindin menaxherin e futbollistit dhe vetë 31-vjeçarin që të rinovojë kontratën me një apo dy vjet.
Akordi ekzistues vlen deri në fund të sezonit të ardhshëm, dhe sipas këtyre mediave, nga Esteglal në kohën e transferimit u bë një sakrificë, duke paguar 1 milionë euro për kartonin, për të mos pritur fundin e edicionit në Korenë e Jugut.
Asani ka 13 gola e 4 asistë këtë vit sportiv tek Esteglali, duke qenë më I miri I ekipit, dhe njëri nga më të mirët në ligën profesioniste persiane. Po ashtu, vlerësohet se shqiptari bindi më shumë sesa ish-ylli I Barcelonës, Munir El Hadadi.
Shqetësimi më I madh për klubin në Teheran është gjendja e paqartë lidhur me vazhdimin e konfliktit apo nënshkrimin e një marrëveshjeje paqe mes Iranit dhe Shteteve të Bashkuara të Amerikës.
Kontrata e Asanit po ashtu ka një klauzolë që e lejon shqiptarin që të largohet për 500 000 euro. Gjithsesi, siç shkruajnë mediat, shpresa është që kjo romancë të vazhdojë./abcnews.al
