Loading ...
Një anije kontejnerësh pranë Ngushticës së Hormuzit u sulmua nga një anije luftarake iraniane herët të mërkurën, sipas Organizatës së Trafikut Detar të Mbretërisë së Bashkuar (UKMTO).
Anijes iu afrua një anije luftarake që i përkiste Korpusit të Gardës Revolucionare Islamike (IRGC) të Iranit, e cila nuk dha asnjë paralajmërim në radio përpara se të “qëllonte mbi anijen”, tha autoriteti detar.
Ekuipazhi u raportua i sigurt, shkruan CNN. Raporti nuk dha detaje shtesë mbi anijen, siç është shteti i flamurit të saj ose vendndodhja aktuale.
Sulmi i fundit vjen pas disa incidenteve të tjera të ditëve të fundit. Të shtunën e kaluar, New Delhi tha se dy anije me flamur indian u qëlluan ndërsa udhëtonin nëpër ngushticë.
IRGC më parë tha se do ta mbyllte ngushticën derisa të hiqej bllokada amerikane./abcnews.al
