Tepelenë, shpërthen granata/ Ngjarja në fshatin Mamaj, plagosen rëndë dy të rinj

Pranë këtij ambienti në Mamaj të Tepelenës që shërbente si magazinë, gjendej një grantë, shpërthimi i së cilës plagosi rëndë dy të rinj.

Një 28-vjecar i identifikuar si Xhulio Salaj dhe nje 34-vjecar i identifikuar si Lisien Shehu, banues në Memaliaj, kanë pësuar dëmtime dhe djegie të shumta në trup.

Zyrtarisht policia thotë se ngjarja është aksidentale dhe se shpërthimi ka ndodhur  në ambientin pranë shtëpisë së xhaxhait të 28-vjecarit të plagosur, Xhulio Salaj.

Të dy të rinjtë, miq me njëri-tjetrin, u transportuan me urgjencë fillimisht drejt spitalit rajonal të Gjirokastrës, e më pas drejt kryeqytetit, për shkak të gjendjes së rëndë shëndetësore dhe plagëve të marra në fytyrë, trup dhe gjymtyrë.

Në vendngjarje ndodhet grupi hetimir dhe specialistë xhenierë, të cilët po punojnë pëe zbardhjen e plotë të rrethanave të shpërthimit

/abcnews.al