Kryeministri Rama ka qenë sot në Kamzë në një familje prej 8 anëtarësh së cilës i është dëmtuar banesa nga tërmeti ndërsa sot ishte akomoduar në një shtëpi me qera.
Kryeministri ka shkuar në shtëpinë e kësaj familje duke çuar edhe dhurata për më të vegjlit.
Ndërsa përfundoi vizitën e tij në këtë familje, e zonja e shtëpisë ka dashur të qerasë kryeministrin me karamele por Rama i ka thënë se është i omël vetë dhe nuk i ha ndërsa nuk ka refuzuar të marrë portokallin e ofruar nga i zoti i shtëpisë.
Rama: Kur e keni ndërtuar shtëpinë?
I zoti i shtëpisë: Në 97..
Rama: Si e keni ndërtuar apo si keni mundur?
I zoti i shtëpisë: Në 97 e kemi ndërtuar, por tani nga tërmeti… shqyyr që shpëtuam se do na kishte zënë shtëpia…asnjë skishte dalë gjallë…
Rama i drejtohet fëmijës: mos na bëj zhurmë me atë tani…Larg qoftë … Po kjo shtëpia mirë ëëë… 100 mijë herë më mirë se ajo që kishit…
I zoti i shtëpisë: Po më mirë
Rama i drejtohet fëmijëve: Tani kukullën po, makinën po, bojërat po, librat po, shtëpinë po, çfarë do bëni ju tani?
Fëmijët: Do mësojmë…
Rama: Do mësoni por do merrni vetëm 10-a, nuk ka më 9-a e 8-a.
Rama: Me të gjitha 10-ta je ti?
Djali i vogël: Po
Rama: Mos lësho asnjë 10-të. Se ti kur sjell 10-ta shtëpia forcohet, kur sjell ndonjë notë tjetër… kështu… shtëpia fillon lëvizë. Kështu edhe mami edhe babi janë më të fortë, kënaqen, punojnë. S’kërkojmë asgjë nga ju ne, duam vetëm 10-a. Sa më shumë 10-a sot aq më mirë nesër.
Rama i drejtohet djalit të vogël: Po ti me kë je tifoz ti..?
Djali i vogël: Me messin
Rama: Me Barcelonën…Në datën 20 mbaron shtëpia e re?
Po në 20.
Rama: Dmth s’ka më çadra?
Jo nuk ka më..
Rama: Atëherë ta kaloni gëzuar vitin e ri, ne sa kemi mundësi do ju ndihmojmë. Më vjen mirë që jeni sistemuar.
E zonja e shtëpisë i ofron karamele Ramës: Jo lërë se jam shumë i omël vetë, nuk ha karamele….
I zoti i shtëpisë i ofron portokallin Rama: Këtë do e marr…/abcnews.al
