Bisedimet të premten në Pakistan/ “Wall Street Journal”: Irani refuzon të marrë pjesë pa një armëpushim në Liban

“Irani u ka bërë të ditur ndërmjetësve ndërkombëtarë se nuk do të marrë pjesë në bisedimet e planifikuara të premten në Pakistan, nëse nuk arrihet më parë një armëpushim në Liban”, raportoi gazeta amerikane “Wall Street Journal”.

Sipas raportimit, ky qëndrim vjen në një moment të rritjes së tensioneve në rajon, ku përplasjet mes Izraelit dhe Hezbollahut kanë sjellë viktima dhe dëme të konsiderueshme.

Nga ana tjetër, Izraeli dhe Shtëpia e Bardhë nuk e konsiderojnë armëpushimin dyjavor të diskutuar me Iranin si të zbatueshëm për situatën në Liban. Sipas tyre, çdo marrëveshje e tillë nuk përfshin automatikisht ndalimin e operacioneve ushtarake në territorin libanez.

Kjo përplasje qëndrimesh rrezikon të komplikojë përpjekjet diplomatike dhe të zgjerojë më tej krizën në Lindjen e Mesme, ndërsa komuniteti ndërkombëtar po përpiqet të shmangë një përshkallëzim më të gjerë të konfliktit.

/abcnews.al/