Loading ...
Dy burra bënë një zbulim të pazakontë gjatë një kërkimi të vezëve të Pashkëve të dielën në jugperëndim të Germanisë. Teksa po kërkonin në një kopsht, ata gjetën një shishe të vogël plastike me mbishkrimin “Polonium 210”, një substancë e njohur për radioaktivitetin e saj shumë të lartë.
Ngjarja ndodhi në komunën Vaihingen an der Enz, e vendosur në veriperëndim të Stuttgart. Zbulimi mobilizoi menjëherë forca të shumta emergjence, përfshirë zjarrfikësit dhe policinë.
Analizat janë ende në zhvillim për të konfirmuar natyrën e saktë të përmbajtjes së shishes.
Burri që gjeti shishen lajmëroi menjëherë autoritetet. Zëdhënësi i zjarrfikësve konfirmoi se shishja duket reale dhe është etiketuar në mënyrë zyrtare, me një peshë rreth 200 gramë, që përputhet me karakteristikat e Polonium 210 – një substancë e rëndë dhe jashtëzakonisht e rrezikshme për shëndetin.
Polonium është substancë radioaktive dhe tepër toksike, sidomos nëse thithet ose hyn në plagë të hapura. Ky lloj helmi ka qenë i përdorur në sulme të mëparshme ndaj kritikëve të Kremlinit, si rasti i Alexander Litvinenko në Londër më 2006.
Sipas autoriteteve, të gjitha matjet në zonën përreth shishes rezultuan negative dhe vendi i gjetjes është liruar për publikun. Dy burrat mbetën të pa-lënduar. Hetimet e mëtejshme mbi origjinën dhe përmbajtjen e shishes i mori në dorë policia.
