Loading ...Kosova surprizoi me katër gola të shënuara në ndeshjen ndaj Sllovakisë.
Gazetari Andi Shabani tha se Kosova është shumë pranë një arritjeje historike, duke theksuar se pak kush e kishte besuar që një skuadër kaq e re do të ishte në prag të Botërorit. Ai shtoi se ndeshja vendimtare ndaj Turqisë ka mobilizuar tifozët, me biletat që u shitën brenda pak orësh dhe organizime të mëdha në qytete për ta ndjekur sfidën.
“ Ishte një natë që u festua gjatë dhe vëmendja shkoi te ndeshja e radhës me Turqinë, pasi ajo është vendimtare. Pak kush e ka besuar që një skuadër e re do të ishte kaq pranë Botërorit.
Kanë qenë më pak se tre orë që janë shitur biletat, dhe kjo ishte një praktikë që e kishin përdorur edhe shtetet që ishin pjesë e fazës play-off. Për ata që kanë arritur të blejnë një biletë, ishte një festë.
Stadiumi “Fadil Vokrri” nxë vetëm 13 mijë persona, por po organizohet që nëpër sheshet e qyteteve të ketë ekrane të mëdha për t’iu bashkuar festës. Infrastruktura është një problem.
Para ndeshjes me Sllovakinë, u tha se kampionati i ardhshëm do të sjellë ndryshime. Kosova ka arritur të luajë një finale përpara Evropianit; ishte befasi dhe papritshmëri. Ishte e pamundur të mendohej një fitore ndaj Suedisë, të cilën e mundi dy herë.
Turqia është një skuadër e fortë me yje që luajnë në kampionate elitare.”
