Loading ...
I ftuar në “News Line” në ABC News, eksperti i marrëdhënieve ndërkombëtare Ledion Krisafi theksoi se ndërsa amerikanët komunikojnë dhe ndikojnë përmes tregjeve dhe presionit ekonomik, Irani fokusohet tek strukturat e brendshme të sigurisë, veçanërisht Garda Revolucionare.
Sipas tij, dinamika e negociatave mbetet e ndërlikuar, me kërkesa të largëta mes palëve dhe me një Iran që e sheh përplasjen si çështje ekzistence, duke e bërë arritjen e një marrëveshjeje përfundimtare ende të pasigurt.
“Amerikanët iu flasin tregjeve, kurse Irani i flasin Gardës Revolucionare. Negociatat po i bën kryetari i parlamentit të Iranit. Amerikanët po arrijnë qëllimin e tyre. Për iranianët e gjithë lufta është një çështje ekzistence, jo vetëm për regjimin, por edhe për personat që janë në krye. Të dyja palët kërkojnë maksimumin e mundshëm. Në këtë luftë Irani është i mundur dhe e ka të vështirë që të vendosë kushte.
Kushtet nga të dyja palët janë shumë larg njëra-tjetrës. Kërkesat e amerikanëve janë logjike, për atë që ka ndodhur në terren. Iranianët mund të heqin dorë nga programi bërthamor, por për programin balistik, mendoj që është me e kufizuar. Po kërkojnë çarmatimin e Iranit”, tha Krisafi.
