Loading ...Kryeministri Edi Rama ka shtruar iftar këtë enjte në Pallatin e Kongreseve në përmbyllje të agjërimit.
Gjatë fjalës së tij, Rama u shpreh se kjo sofër i afron njerëzit me njëri tjetrin.
“Ju uroj mirëseardhjen më sofrën tradicionale të iftarit. Sofra e Iftarit është e vetmja sofër në të cilën je edhe shtrues edhe i shtruar, edhe zot shtëpie edhe mik. Rreth kësaj sofre ligji i padukshëm që jeton brenda çdo qenie njerëzore, merr në zotërim territore të caktuara të mendjes dhe të shpirtit. Agjërimi i mëson njeriut durimin dhe rrugën e zbutjes së paraardhësit së vet të parë, shpellarit që ka brenda vetes. Në këtë sofër sonte, besime të ndryshme, profesione të ndryshme njerëz që vijnë edhe nga vende të ndryshme që luten në mënyra të ndryshme ulen bashkë. Kjo e iftarit ka një dritë ku ndërthuren drita e jashtme me atë të brendshmen në secilin prej nesh. Në një ditë si kjo është e pashmangshme edhe përmendja e konflikteve dhe armiqësive”, tha Rama.
