Loading ...
Donald Trump ka konfirmuar në platformën Truth Social vdekjen e liderit suprem të Iranit, Ayatollah Ali Khamenei. Në postimin e tij, Trump e cilësoi Khamenein si “një nga njerëzit më të këqij në histori” dhe deklaroi se ai “nuk mundi t’u shpëtonte sistemeve amerikane të inteligjencës dhe gjurmimit”, duke shtuar se as ai dhe as liderët e tjerë të vrarë bashkë me të “nuk mund të bënin asgjë”.
Presidenti amerikan e quajti zhvillimin “mundësinë më të madhe të vetme për popullin iranian që të rimarrë vendin e tij”, duke pretenduar se shumë pjesëtarë të Gardës Revolucionare, ushtrisë dhe forcave të sigurisë iraniane “nuk duan më të luftojnë”. Ai sugjeroi se do të ishte i gatshëm t’u ofronte atyre “imunitet”.
Trump shtoi se, sipas tij, Irani “është shkatërruar dhe madje zhdukur në vetëm një ditë”, ndërsa paralajmëroi se bombardimet e rënda do të vazhdojnë pa ndërprerje gjatë javës ose për aq kohë sa të jetë e nevojshme. Deri më tani, nuk ka konfirmim zyrtar nga autoritetet iraniane për këto pretendime.
