Loading ...
Atalanta fiton, kualifikohet dhe ruan nderin e Serisë A, si skuadra e vetme italiane që vazhdon rrugën në 1/8 e Champions League. Skuadra bergamaske bëri një mrekulli të vërtetë, ndërsa pas humbjes 2-0 në sfidën e vajtjes në transfertë, në ndeshjen e kthimit në shtëpi mundi 4-1 Borussia Dortmund.
Të ndihmuar nga entuziazmi i tifozëve të tyre, vendasit e nisën ndeshjen në mënurën më të mirë, duke kaluar në epërsi që në minutën e 5 me Scamacca.
Në fundin e pjesës së parë, Zappacosta dyfishoi shifrat dhe barazoi rezultatin e ndeshjes së parë.
Spaktakolar dhe shumë i luftuar ishte fraksioni i dytë.
Në minutën e 57-të, Pasalic shënoi golin e tretë për Atalanta, duke kaluar biletën e kualifikimit në dorën e bergamaskëve.
Por në të 75-ën, Adejemi kthey edhe një herë në lojë Borussia Dortmund, që barazoi rezultatin e përgjithshëm.
Me shifrat 3-1 u mbyll koha e rregullt, ndërsa shtesa dhuroi gjithçka.
Si fillim me xhiron e kartonëve të kuq, dy të tillë për gjermanët dhe një për italianët.
Kur pritej që ndeshja të shkonte në kohën ekstra, vetëm në minutën e 98-të, Samarxhic me 11 metërsh realizoi golin e katërt dhe të kualifikimit për Atalantën, që fiton një vend mes më të mëdhenjve të futbollit europian.
Pjesë e këtij triumfi ishte edhe Berat Gjimshiti, që u aktivizua si zëvendësues në minutën e 77, duke thelluar rekordin e tij si shqiptari me më shumë ndeshje në Champions, dhe I dyti në renditjen e lojtarëve kuqezi me më shumë paraqitje me skuadrat italiane.
