Loading ...
Një person humbi jetën pasi u sulmua me thikë në Tiranë. Ndërsa një 34 vjeçar ndodhet në spital pasi u plagos me armë zjarri.
Rreth orës 15:40, gjatë një konflikti në rrugën “Kongresi i Lushnjes”, u qëllua me thikë shtetasi Egli Pashollari, i cili si pasojë e plagëve të marra humbi jetën në spital.
Nga informacionet e marra, viktima i moshës 31 vjeçare sapo doli nga makina, u sulmua menjëherë nga 3 persona, 2 djem dhe 1 vajzë.
Gjatë përleshjes fizike, njëri prej djemve e goditi me thikë në kurriz të paktën një here.
Pasi Pashollarit i’u dha ndihma e parë, ai u dërgua në spital.
Por plagët rezultuan fatale për të riun, i cili humbi jetën.
Policia e ka identifikuar autorin e vrasjes, i cili është Gazment Buçpapa.
