Loading ...Reshje e pandërprera të shiut po vijojnë të dëmtojnë argjinaturat në Qarkun e Fierit duke sjell përmbytje të tokave bujqësore. Kështu ndodhi në fshatin Muçias të Divjakës ku kanali kullues ose siç quhet terma teknikë emisari i Myzeqesë përmbyti tokat përreth.
Përveç reshjeve faktor rëndues ishte edhe niveli i detit që arriti në 1.5 metra duke përparuar drejt brigjeve nga Fieri deri në Vlorë.
Përballë kësaj situate specialistët e bordit të kullimit po punojnë me intensitet për riparimin e dëmeve të shkaktuara. Probleme më të mëdha thonë se ka argjinatura e Semanit për shkak të ndërhyrjeve të fermerëve.
Ndërkohë Ministria e Bujqësisë po përgatit projektin për forcimin e mëtejshëm të argjinaturave. Reshjet e ditëve të fundit kanë shtuar nivelin e ujit dhe në lumin Gjanica, por pa arritur në pikë kritike.
