18 vjet më parë SHBA njohu Kosovën/ Ambasada Amerikane në Prishtinë: Lidhja e veçantë e miqësisë ka bashkuar dy popujt

Ambasada amerikane në Kosovë ka kujtuar që sot 18 vjet më parë Shtetet e Bashkuara të Amerikës e kanë njohur zyrtarisht Kosovën, një ditë pas shpalljes së pavarësisë.

“Sot, 18 vjet më parë, Shtetet e Bashkuara e kanë njohur zyrtarisht Kosovën si shtet sovran dhe të pavarur. Presidenti Bush iu përgjigj pozitivisht kërkesës së Kosovës për të vendosur marrëdhënie diplomatike midis dy vendeve tona”.

Gjithashtu nënvizohet se vendosja e këtyre marrëdhënieve do të rikonfirmojë “lidhjet e veçanta të miqësisë që kanë bashkuar popullin e Shteteve të Bashkuara të Amerikës dhe Kosovës”.