“Drejtësi, jo politikë”/ Të martën marshohet në Prishtinë në mbështetje të ish-krerëve të UÇK në Hagë

KOSOVË- Ditën e sotme në Sheshin “Skënderbeu” në Prishtinë do të mbahet marshi “Drejtësi, jo politikë”, i organizuar nga platforma “Liria ka Emër”.

Organizatorët kanë paralajmëruar një pjesëmarrje masive, që sipas tyre mund të tejkalojë 200 mijë qytetarë nga të gjitha trevat shqiptare.

Marshi synon të shprehë qëndrimin kundër procesit gjyqësor ndaj ish-krerëve të UÇK-së, ndërsa organizatorët e cilësojnë si një tubim paqësor dhe gjithëpërfshirës, me mesazhin kryesor për drejtësi të paanshme.

Programi do të përfshijë aktivitete muzikore, përfaqësues të kategorive të ndryshme të shoqërisë përfshirë sindikata, artistë, mësimdhënës, mjekë dhe përfaqësues të bashkësive fetare.