Loading ...
Fillimi ishte prekës. Në stadiumin “Tumba” të Selanikut u përkujtuan tifozët e shuar të PAOK-ut që humbën jetën ndërsa udhëtonin për të parë ekipin e tyre në Europë.
Pas homazhit, nisi ndeshja e Superligës greke, e cila ishte një derbi për kreun e renditjes, përveçse një rivalitet i ashpër mes Selanikut dhe Athinës, pra PAOK-AEK.
Në portën e miqve ishte Tomas Strakosha dhe portieri I kombëtares shqiptare bëri sërish një mrekulli.
Në minutën e 12-të përballë tij u vu lojtari vendas, Jakumaqis, por gardiani kuqezi e ndaloi.
Ishte ky momenti kulmor i sfidës që përfundoi pa gola, dhe në të cilën edhe athinjotët e pretenduan një 11-metërsh, madje me të drejtë, por gjyqtari nuk e akordoi dhe as VAR-i nuk ndërhyri.
Interesant fakti se Strakosha thuajse krijoi aksionin e rrjetës së fitores pranë fundit, me topin e gjatë nisur nga pranë zonës së tij, por sulmuesi serb, Joviç, goditi shtyllën.
Jo më kot, 30-vjeçari shqiptar u shpall lojtari më I mirë I ndeshjes nga agjencia “sofaskor” me notën 7.9, duke lënë pas gjithë të tjerët.
Barazimi lejon që AEK të mbajë vendin e parë në Superligën greke me 49 pikë, dy më shumë sesa Olimpiakos, veçse PAOK ka 46 pikë dhe një ndeshje më pak, e në rast fitoreje mund të dalë në krye.
Sa për penalltitë, Strakosha ka pritur 8 goditje nga pika e bardhë në karrierë, dhe ky sezon, 2025-2026, është më I veçanti sepse ia ka dalë tri herë.
Në 5 tetor, në ndeshjen Kifias-AEK, në 30 nëntor në derbin e madh Panathinaikos-AEK dhe tani ndaj PAOK-ut.
