Vritet influencerja 19 vjeçare nga forcat e sigurisë/ Iran, e reja simbol i rezistencës dhe lirisë së gruas

Shuhet në moshë fare të re Diana Bahador, e njohur online si Baby Rider, vetëm 19 vjeçe. Motoçikliste dhe blogere, e reja u vra nga forcat e sigurisë së regjimit islamik gjatë protestave në qytetin e Gorganit. Diana u kthye në simbol rezistence sepse sfidoi ndalimin për gratë duke drejtuar motorin. Me afro 100 mijë ndjekës, ajo e përdori zërin e saj për të kërkuar një Iran të lirë. Ajo është një nga mijëra civilë të paarmatosur që kanë humbur jetën duke kërkuar ndryshim dhe liri në Iran.

Autoritetet iraniane e kanë zhytur vendin në atë që dëshmitarët e përshkruajnë si një bllokadë pothuajse totale digjitale, në përgjigje të protestave vdekjeprurëse mbarëkombëtare kundër Republikës Islamike, duke kufizuar ndjeshëm qarkullimin e informacionit nga brenda vendit. Me qasjen në internet të kufizuar, vetëm rrëfime të fragmentuara kanë arritur në botën e jashtme përmes telefonatave të shkurtra njëkahëshe, individëve me qasje në internet satelitor dhe iranianëve që së fundi janë larguar nga vendi.  / abcnews.al /