Loading ...
Reshjet e dendura të shiut kanë shkaktuar rrëshqitje të tokës dhe dëmtime serioze në një banesë në lagjen e re të qytetit të Librazhdit.
Banesa e shtetasit Fatmir Murati, e ndërtuar kohët e fundit, është rrezikuar nga shembja e dheut pranë strukturës mbajtëse.
Nga pamjet shihet qartë se një pjesë e terrenit është rrëshqitur, duke dëmtuar murin rrethues dhe ambientet ndihmëse të banesës. Situata paraqet rrezik për sigurinë e familjes, ndërsa dëmet janë të konsiderueshme.
Në vendngjarje kanë mbërritur strukturat e Emergjencave Civile, të cilat kanë verifikuar situatën dhe po vlerësojnë masat që duhen marrë për stabilizimin e zonës.
Qytetari kërkon ndërhyrje të menjëhershme nga institucionet përkatëse, për të shmangur përkeqësimin e mëtejshëm të situatës.
