Loading ...Pagesat me anë të kartave tashmë janë bërë praktikë e përditshme për një pjesë të qytetarëve në Shqipëri. Ato përdoren për të blerje, pagesa shërbimesh apo për shlyerje faturash. Të dhënat e Bankës së Shqipërisë tregojnë se gjatë periudhës janar –nëntor të vitit 2025 vlera e tyre ka arritur në 2. 4 miliardë lekë.
Një shifër kjo që ka tejkaluar vlerën e të gjithë vitit 2024 ku prej të dhënave konstatohet se pagesat nëpërmjet bankës ishin vetëm 2.3 miliardë.
Ndërkohë si numër trasaksionesh gjatë periudhës janar-nëntor janë kryer 10.3 milionë të tilla ose numri më i lartë i regjistruar ndonjëherë përgjatë viteve të fundit.
Pagesat nga aplikacionet online të bankave në Shqipëri ndahen në disa kategori dhe përfshijnë shlyerjen e detyrimeve të kartës së kreditit apo pagesën e kësteve të kredisë, pagesat e faturave të telefonit, faturave të energjisë elektrike apo të ujit.
Po ashtu shumë qytetarë përdorin këto pagesa nga shtëpia edhe për blerje të pajisjeve të ndryshme veshjeve apo të ushqimeve.
Nëse shohim të dhënat e muajit nëntor konstatohet një frenim i pagesave krahasuar me një vit më parë me 10.7% të shumës së pagesave.
Megjithatë kjo jo domosdoshmërisht nënkupton rënie pasi mund të jenë realizuar blerje apo pagesa që kanë qenë në vlera më të vogla.
Qeveria ka nisur një fushatë për uljen e përdorimit të parave Cash gjatë këtij viti duke kufizuar përdorimin për qytetarët, por edhe për bizneset.
Qytetarët nuk do të lejohen të bëjnë pagesa më të larta se 500 mijë lekë në muaj me para cash ndërsa për bizneset nga 1500 euro që ishte zbret në 1 mijë euro.
