Loading ...
Moti i keq që përshiu vendin me reshje intensive të shiut shkaktoi përmbytje masive, por edhe dëme në infrastrukturë.
Kryeministri Edi Rama ka ndarë pamje nga puna në terren për riparimin e argjinaturave dhe infrastrukturës së rëndësishme ujitëse e mbrojtëse në zonat e rrezikuara nga përmbytjet.
Ekipet e Drejtorisë së Ujitje-Kullimit, Emergjencat Civile, Forcat e Armatosura dhe institucionet lokale, janë angazhuar për të garantuar sigurinë e komuniteteve dhe zonave të prekura
“Vijon riparimi i argjinaturave dhe infrastrukturës së rëndësishme ujitëse e mbrojtëse në zonat e rrezikuara nga përmbytjet si pasojë e reshjeve intensive të ditëve të fundit. Ekipet e Drejtorisë së Ujitje-Kullimit janë në bashkërendim të plotë me Emergjencat Civile, Forcat e Armatosura dhe institucionet lokale, për të garantuar sigurinë e komuniteteve dhe zonave të prekura. Pamje nga puna në terren në lumin Devoll, lumin Dunavec, në lumin Kalasë pranë Urës së Vanës, kanali kullues që përshkon Akërninë, Novoselën, Alibanin, riparimi i urës së Belit-Metoq, si dhe nga ndërhyrja e batalionit të Xhenios në Sarandë, Finiq, Maliq, Laç dhe Bovillë”, shkruan Rama.
/abcnews.al/
