Treni i pasagjerëve në Shkodër ka 4 javë që nuk lëviz nga vendi. Gazetari, Simon Shkreli ka shkuar në stacion dhe nuk ka parë asnjë udhëtar vetëm punonjësit e hekurudhës. Për sa kohë mungojnë investimet, qytetarët thonë se udhëtojnë me mjete alternative.
Dikur treni ishte nga të paktat mjete udhëtimi, po sot është thuajse inegzistent.
Prej më shumë se 4 javë treni në stacionin hekurudhor në Shkodër nuk ka lëvizur fare.
Në këtë stacion sheh vetëm punonjësit e hekurudhës. Nga qytetarët mësojmë se qarkullojnë me mjete më të shpejta transporti.
Vagonët e trenit dhe gjendja e tyre e amortizuar të krijon përshtypjen se për hekurudhën shqiptare koha ka ndalur.
Mungesa e investimeve dhe degradimi i hekurudhës ka bërë që udhëtarët të braktisin trenat. Aktualisht nga Shkodra në drejtim të Tiranës dhe Durrësit në hekurudhë lëvizin vetëm trenat e mallrave, por dhe ato shumë rrallë./abcnews.al
