Loading ...
‘Forcat ndërkombëtare paqeruajtëse duhet ta çarmatosin Hamasin, dhe nëse nuk e bëjnë, do ta bëjë ushtria izraelite’.
Kështu ka deklaruar kryeministri Benjamin Netanyahu gjatë ceremonisë së diplomimit të një kursi për oficerë luftarakë në Akademinë e Parë Ushtarake.
“Qeveria është e vendosur të sjellë të gjithë pengjet e rënë në shtëpi. Ne nuk do të dorëzohemi derisa t’i sjellim të gjithë në shtëpi. Në fund të fundit, Hamasi do të çarmatoset dhe Gaza do të çmilitarizohet. Nëse forcat e huaja e bëjnë këtë, ne do të kujdesemi për ta bërë’, tha ai.
Marrëveshja e armëpushimit në Gazë hyri në fuqi më 10 tetor, duke ndalur dy vjet luftë që u nxit nga sulmi i Hamasit ndaj Izraelit më 7 tetor 2023.
Që nga hyrja në fuqi, të dyja palët e kanë akuzuar njëra-tjetrën për shkelje të armëpushimit.
Gjatë sulmit të 7 tetorit, Hamasi vrau afër 1.200 persona dhe rrëmbeu 251 të tjerë.
Si pasojë e ofensivës izraelite, në Gazë janë vrarë më shumë se 67.000 palestinezë, territori ka pësuar shkatërrime të mëdha dhe banorët po përballen me krizë humanitare.
