Loading ...
Policia e Oklandit në Kaliforni po heton vjedhjen e më shumë se 1 000 artefakteve nga koleksioni i muzeut, përfshirë bizhuteri, shporta amerikane vendase dhe sende të përditshme si trofe atletikE që tregojnë historinë e Golden State, raporton CNN.
Lori Fogarty, drejtoresha e muzeut, tha se hetimi po bëhej publik sepse artefaktet mund të shfaqen në treg ose në dyqanet e sendeve antike.
“Ato nuk janë vetëm një humbje për muzeun. Ato janë një humbje për publikun, për komunitetin tonë dhe shpresojmë që komuniteti të na ndihmojë t’i kthejmë ato në shtëpi”, tha ajo.
“Ne mendojmë se grabitësit gjetën një mënyrë për të hyrë në ndërtesë, rrëmbyen atë që mund të gjenin lehtësisht dhe dolën nga ndërtesa”, shtoi Fogarty.
Misioni i Muzeut të Oaklandit të Kalifornisë është të dokumentojë artin, historinë dhe mjedisin natyror të Kalifornisë dhe koleksioni i tij përfshin vepra nga artistë të Kalifornisë nga fundi i shekullit XVIII deri në ditët e sotme, si dhe objekte, fotografi, ekzemplarë natyrorë dhe regjistrime zanore.
