Loading ...Muzeu etnografik i Elbasanit vijon të jetë objekti më tërheqëse për tu vizituar nga turistët apo vizitorët nga mbarë bota.
Këtë herë një grup pedagogësh dhe studiuesish të huaj vizituan muzeun e qytetit.
Vinin nga vende të ndryshme si Azerbajxhani, Turqia, Maqedonia e Veriut dhe disa universitete evropiane, dhe u njohën me trashëgiminë kulturore të Elbasanit dhe me mënyrën se si janë ruajtur elementet e jetesës tradicionale shqiptare ndër vite.
Vizita shërbeu si një mundësi e mirë për të forcuar lidhjet kulturore dhe akademike mes institucioneve pjesëmarrëse.
Për studiuesit e historisë dhe kulturës Elbasani është një “minierë e vogël” historie.
Vizita përfundoi me një mesazh bashkëpunimi dhe miqësie mes kulturave, që ndanë të njëjtën vlerë për historinë dhe trashëgiminë./abcnews.al
