Loading ...“Do bëjmë vetëgjyqësi”
Kjo deklaratë e bërë nga xhaxhai i autorit të vrasjes së gjyqtarit të apelit, në maj të 2023 tregon një ngjarje të paralajmëruar.
Një proces i gjatë gjyqësor i zvarritur prej kohësh dhe një vendim I dhënë kundër autorit, I morën jetën gjyqtarit Astrit Kalaja.
Familjarë të autorit Elvis Shkambi ishin prej vitesh në proces gjyqësor për një pronë në Shkodër. Xhaxhai i tij, Gjon Shkambi, pretendonte një truall në zonën e Shkodrës, sipas të cilit ia kishin uzurpuar.
Sipas pretendimit të tij vite më parë, ai thoshte se kishte fituar në Shkallën e Parë, ndërsa Apeli ia ka kthyer për rigjykim, pasi në dosje i mungonin dy proces-verbale dhe akti i ekspertimit.
Ai pretendon se pala tjetër me dokumente të falsifikuara vazhdon të qëndrojë në ndërtesën e Gjonit.
ABC neës ka mësuar se çështja që u bë motiv i ngjarjes tronditëse është për shkak të pronësisë mbi godinën e ish shkollës së rezervave në Shkodër.
Në godinën ku pretendonte pronësinë xhaxhai i autorit, jetojnë 31 familje. Në dalje të shpeshta në media, Gjon Shkembi bënte thirrje për lirimin e pronave të tij.
Në vitin 1992, këto 31 familje, me vendim të bashkisë Shkodër janë vendosur në godinën e ish-shkollës së rezervave të ndërtimit. Banorët thonë se prona është akoma shtetërore dhe dokumentet janë falsifikuar./abcnews.al
