Ra në kontakt me rrymën elektrike, ndërron jetë 47-vjeçari në Shkodër

Një 47-vjeçar në Shkodër ka humbur tragjikisht jetën, pasi ka rënë në kontakt me rrymën elektrike. Sipas informacioneve të policisë, 47-vjeçari ka qenë duke rregulluar një defekt në oborrin e banesës së tij.

“Në lagjen “Guerile”, është gjetur pa shenja jete, në oborrin e banesës së tij, shtetasi P. L., 47 vjeç, i cili dyshohet se gjatë kohës që po kryente disa punime në oborr, ka rënë në kontakt me energjinë elektrike dhe, për pasojë, ka humbur jetën”, njofton policia./abcnews.al