Spanja hap hetimet për krime lufte në Gaza

Prokurori i Përgjithshëm Spanjoll Alvaro García Ortiz ka autorizuar hapjen e një hetimi paraprak mbi “shkeljet serioze të ligjit ndërkombëtar të të drejtave të njeriut dhe ligjit ndërkombëtar humanitar” të kryera nga ushtria izraelite në Rripin e Gazës.

Vendimi u nxit nga Dolores Delgado, kreu i Zyrës së Prokurorit për të Drejtat e Njeriut dhe Kujtesën Demokratike, e cila konfirmoi hapjen e hetimit.

Izraeli ka vijuar me operacionet e tij ushtarake për të cilët thotë se qëllimi kryesor është eliminimi i grupit terrorist të Hamasit.

Ndërsa nga ana tjetër Bashkimi Europian njoftoi se ka pezulluar mbështetjen dypalëshe për qeverisë izraelite duke propozuar edhe sanksione.