Loading ...
Luka Modriç ka realizuar stërvitjen e parë si lojtar I Milanit. Kapiteni legjendar i Kroacisë iu bashkua kuqezinjve të trajnerit Alegri, një ditë pasi u prezantua si lojtar i ri i skuadrës italiane.
Modriç erdhi nga Reali, pasi përfundoi kontratën me madrilënet, dhe firmosi një akord 1-vjeçar me klubin nga Lombardia.
Drejtori sportiv Igli Tare këmbënguli dhe e bindi të zgjidhte Milanin për të vazhduar karrierën, dhe pritet që të jetë i rëndësishëm pavarësisht moshës 39-vjeçare.
Modriç është futbollisti me më shumë trofe në historinë e Realit, dhe pritet ta ndihmojë Milanin me përvojën dhe mentalitetin e tij fitues./abcnews.al
