U largua nga hoteli pa paguar detyrimin prej 450 euro/ Palasë, shpallet në kërkim i riu

Policia e Vlorës ka shpallur në kërkim një 20 vjeccar. Ndaj të riut, dyshohet se ka qëndruar si pushues në hotelin e një shtetasi në Palasë dhe është larguar pa shlyer detyrimin prej 450 euro.

“Specialistët për Hetimin e Krimeve në Stacionin e Policisë Dhërmi referuan materiale në Prokurori dhe shpallën në kërkim shtetasin E. H., 20 vjeç, banues në Tiranë, pasi ndaj tij ka bërë kallëzim shtetasi I. M., se ky shtetas ka qëndruar 3 ditë si pushues në hotelin në pronësi të tij, në fshatin Palasë, dhe është larguar pa kryer pagesën prej 450 euro.” / abcnews.al