Greta Thumberg është zgjedhur si personaliteti më i ri i vitit nga revista prestigjioze “Time”.
Kjo e fundit bën përzgjedhjen e personazheve të vitit që prej vitit 1927 dhe i publikon në dhjetor.
Fotoja e Gretës është publikuar në kopertinë, e cila mban titullin: Forca e rinisë.
Në “garën” për kopertinën e “Time”, Greta ka mundur Presidentin e SHBA-ve, Donald Trump apo Kryetaren e Dhomës së Kongresit amerikan Nancy Pelosi, e cila ka vënë me shpatulla pas murit presidentin amerikan duke e akuzuar për abuzim me pushtetin.
Thunberg është bërë e famshme në të gjithë botën për fushatën e saj kundër ndryshimit të klimës, ndërsa fjalimi i saj në OKB dhe fotoja se si po e shikonte Presidentin Trump kanë bërë xhiron e botës. /abcnews.al
