Kryeministri Edi Rama foli për investimet në Shkodër, duke nënvizuar se janë bërë ndryshime të jashtëzakonshme.
Ndërsa solli në vëmendje situatën në të cilin ishte qyteti në kohën e PD, duke e cilësuar si një katastrofë.
“Ndryshime të jashtëzakonshme në Shkodër. Kur e kishte PD, ishte katastrofë. Ndryshimin në Shkodër e solli Beneci me Partinë Socialiste. Në 12 vite kur më ke parë që nuk i kam qëndruar popullit. Edhe tani që është fushatë nuk po bëj asgjë ndryshe”, ka thënë Rama.
Rama u ndal edhe te Tik Tok duke thënë se procedura për mbylljen e platformës, ka përfunduar dhe u bëri thirrje qytetarëve që të mos përdorin VPN.
“Procedura për mbylljen e Tik Tok ka përfunduar për telefonat smart dhe nga ana tjetër, mënyra për t’ju shmangur bllokimit duke përdorur VPN falas është shumë e rrezikshme pasi dihet botërisht se hackerat bëjnë namin në grabitjen e të dhënave të telefonit”, tha ai.
/abcnews.al/
