Sekuestrohen mbi 100 mijë euro të padeklaruara në Portin e Durrësit, arrestohet 40 vjeçari. I kishte fshehur në furgon

Sekuestrohen 108 960 euro dhe 600 franga të padeklaruara në portin e Durrësit. Policia njofton se në pranga ka rënë një 40 vjeçar nga Dibra, i cili i kishte fshehur paratë në furgonin që drejtonte.

3 ditë më parë, policia e portit të Durrësit sekuestroi 223 200 euro të dyshuara produkt i krimeve dhe vuri në pranga poseduesin e tyre.

Së bashku me paratë, u sekuestruan në cilësinë e provës materiale, furgoni që drejtonte i arrestuari, si dhe 2 celularë dhe pasaporta e tij./abcnews.al