Mauro Icardi është përshtatur mirë me PSG-në dhe deri tani ka shënuar 6 gola në kampionat dhe 4 në Champions League. Sulmuesi argjentinas u huazua verën e kaluar nga Interi te kampionët e Francës dhe këta të fundit jaë bindur për të paguar 70 milionë eurot e kërkuara për kartonin.
Gjithsesi, jo të gjithë janë të kënaqur me 26-vjeçarin. Një prej tyre është Christophe Dugarry, fitues i Kupës së Botës me Francën në vitin 1998. Ish-sulmuesi i Marseille, Milanit dhe Barcelonës injoron Icardi në prononcimin e dhënë për RMC Sport, madje cilëson Dario Benedetton, sulmuesin argjentinas të Marseille, më të mirë se Icardi.
“Benedetto është një futbollist i vërtetë, është i kompletuar. Nuk shoh pika të dobëta te futbollisti argjentinas. Mbeta i shokuar nga përpjekjet e Icardit për t’u përballur me Benzema në duelin Real Madrid-PSG. Preferoj të kem Benedetton në ekipin tim përpara Icardit“, thekson Dugarry. /abcnews.al
