Loading ...
Bregdeti shqiptar pritet të jetë një destinacion për turistët evropian e sidomos ata britanik edhe për verën e këtij viti. Media e njohur britanike “Daily Expres’ ka shkruar një artikull ku e cilëson Shqipërinë si një vend pak të njohur e megjithatë për bukuritë natyrore krahasohet me Tajlandën por me çmime më të lira.
Një vakt i mesëm me tre pjata për dy persona do të kushtojë rreth 42 paund . Një birrë do t’ju kushtojë rreth 2 £ dhe një kafe vjen me rreth 1.30 £ .Riviera shqiptare thuhet në shkrim është një opsion fantastik për ata që kërkojnë një pushim parajsor me estetikën e plazhit me rërë të bardhë, por është gjithashtu më e përballueshme, e aksesueshme dhe më pak e mbushur me njerëz.
Shqipëria është një vend i bukur i vendosur në Evropën Juglindore, në Gadishullin Ballkanik dhe me peizazhin e saj mbresëlënës malor dhe bregdetin që të lë pa frymë, Shqipëria ka një bukuri të pazbutur që tani është një gjë e rrallë në Evropë shkruan Daily Mail.
Ksamili cilësohet si Karaibet Shqiptare falë plazheve me rërë të bardhë dhe ujërave bruz. Zona është e njohur për historinë e saj të pasur dhe plazhet e jashtëzakonshme, duke ofruar turizëm të nivelit të lartë për udhëtarët që kërkojnë një pushim të jashtëzakonshëm në Evropë.”
Përveçse është e bukur dhe më e qetë se destinacionet e tjera më të famshme.
Udhëtimi në Shqipëri është relativisht i lirë, ashtu si edhe ekskursionet. Ka gjithashtu shumë aktivitete falas, qoftë eksplorimi i qyteteve lokale apo relaksimi në një nga plazhet e shumta të Shqipërisë./abcnews.al
