Antioksidantët, të njohur si parandalues të kancerit, në të vërtetë mund të nxisin përhapjen e sëmundjes. Tani shkencëtarët kanë zbuluar se si ndodh një dukuri e tillë.
Pavarësisht nëse merret si një shtesë plus për diete apo prodhohet nga trupi, antioksidantët duket se ndihmojnë qelizat e kancerit të mushkërive të “pushtojnë” indet përtej zgavrës së gjoksit, raportojnë studimet.
Eksperimentet e realizuar në minj dhe indet njerëzore zbuluan se antioksidantët mbrojnë tumoret kundër molekulave që dëmtojnë qelizat dhe nxisin akumulimin e proteinës Bach1. Ndërsa grumbullohet Bach1, tumoret digjen përmes glukozës në shkallë më të lartë, duke ushqyer kështu migrimin e qelizave kancerogjene në organe të reja.
“Rezultatet tregojnë një mekanizëm të ri për mënyrën se si qelizat e kancerit të mushkërive mund të përhapen dhe mund të çojnë në mundësi të reja për trajtim,” thotë Martin Bergö, biolog molekular në Institutin Karolinska në Stokholm .
Kanceri i mushkërive, shkaku kryesor i vdekjeve të lidhura me kancerin në të gjithë botën, ka marrë më shumë jetë, rreth 1.6 milion jetë çdo vit – më shumë se kanceri i zorrës së trashë, gjirit dhe prostates.
Shumica e vdekjeve nga kanceri i mushkërive kanë të bëjnë me metastazën. Gjetjet e reja tregojnë për metodat e ngadalësimit ose ndalimit të përhapjes para se të jetë vonë.
Në një studim, Michele Pagano, një biolog i kancerit në Universitetin e Nju Jorkut së bashku me kolegët e tij lidhën pikat midis antioksidantëve dhe mutacioneve të zakonshme në qelizat e kancerit të mushkërive.
Antioksidantët neutralizojnë radikalet e lira, duke dëmtuar molekulat që natyrisht mund të ndërtohen gjatë metabolizmit të qelizave.
Rreth 30 përqind e kancerit të mushkërive zhvillojnë mutacione në një nga dy gjenet kryesore që rregullojnë prodhimin natyral të antioksidantëve.
Në indet njerëzore, tumoret në fazë të avancuar shfaqnin nivele të ngritura të Bach1 dhe Ho1.
Në studimin e dytë, ekipi i Bergös trajtoi minj mutantë dhe qelizat kancerogjene të mushkërive njerëzore me antioksidantë, duke imituar efektet e marrjes së një shtese dietike siç është vitamina E.
Bergö dhe kolegët e tij zbuluan se doza shtesë e antioksidantëve përshpejton rritjen primare të tumorit në minj, dhe provat kanë treguar rezultate të ngjashme edhe tek njerëzit./abcnews.al
