Liverpul duket se ka humbur shkëlqimin, ndërsa kryesuesit e Premier Ligës regjistruan barazimin e dytë radhazi.
Skuadra e drejtuar nga Arne Slot u ndal 1-1 në fushën e Notingham Forest, që konfirmohet surpriza e madhe e këtij sezoni në kampionatin anglez.
Vendasit gjetën rrugën e rrjetës që në minutën e tetë me Ud, ndërsa ruajtën epërsinë shumë gjatë.
Por shpresat e tyre për fitore u shuan në minutën e 66-të, kur Diogo Zhota barazoi shifrat dhe vulosi fatin e ndeshjes.
Pavarësisht dy ndalesave radhazi, Liverpul ruan kreun e renditjes me 47 pikë, gjashtë më shumë se Nottingham, që po jeton sërish me të shkuarën e lavdivshme.
Nuk mori më shumë nga sfida e tij as Manchester City.
Skuadra e Pep Guardiola barazoi 2-2 në fushën e Brendford.
Rezultati u siglua vetëm në pjesën e dytë, duke nisur nga epërsia e kampionëve në fuqi me Foden.
Sulmuesi dyfishoi shifrat me golin e dytë personal, por festa e “Cityzens” do të shuhej në minutat e fundit.
Brendford reagoi kundër çdo parashikimi.
Visa rihapi garën në të 82-ën, ndërsa në shtesë Norgard vulosi barazimin, duke konfirmuar edhe sezonin plot oshilacine të Manchester City.
I njëjti diskutim vlen edhe për Chelsea, me Blutë e Londrës që duhet ti rishikojnë objektivat e sezonit pas barazimit të radhës, këtë herë 2-2 kundër Bournemouth.
Megjithëse mbyllën pjesën e parë në epërsi me golin e Palmer, pas pushimit të besuarit e Mareskës I lejuan rivalëve të përmbysin shifrat. Klajvert me 11-metërsh dhe Semejo suprizuan Chelsea, që evitoi humbjen vetëm në minutën e 95-të me rrjetën e Ris Xhejms.
Ecuria negative ne ndeshjet e fundit ka bërë që Blutë Londrës të zbresin në vendin e katërt të klasifikimit në Premier Ligë./abcnews.al
