Mbi 730 mijë pensionistë do të mund të tërheqin bonusin e pranverës duke filluar nga muaji shkurt.
Akti është miratuar në mbledhjen e kësaj të enjteje të Këshillit të Ministrave.
Kështu, të gjithë ata pensionistë që përfitojnë një pension prej 20 mijë lekësh do të marin 10 mije lekë dhe 5 mijë lekë ata që kanë pension më shumë se 20 mijë lekë në muaj.
Shpërblimi i Pranverës është cilësuar nga qeveria si një angazhim i shumicës për të qenë pranë kategorive në nevoje, duke bërë të mundur që të ardhurat e siguruara nga rritja ekonomike të shkojne për kategorinë e pensionistëve që kanë një të ardhur mujore të ulët që vjen nga një tranzicion politik dhe skemë pensionesh që ndër vite nuk ka arritur që t’i japë një pension dinjitoz.
