Rritet bilanci i viktimave nga sulmi në tregun e Krishtlindjeve në Gjermani.
Një grua rreth të 50-tave ndërroi jetë dy javë pas sulmit barbar në tregun e Krishtlindjeve në Magdeburg. Bilanci shkoi në gjashtë viktima, ndërkohë nga ngjarja e rëndë e 20 dhjetorit pati gjithashtu 299 të plagosur.
Katër gra të tjera, nga mosha 45 deri në 75 vjeç dhe nëntëvjeçari André Gleissner, gjithashtu humbën jetën nga ngjarja e cila tronditi mbarë opinionin vitin që lamë pas. / abcnews.al
