Një automjet është përfshirë nga flakët. Ngjarja ka ndodhur në Rrëmenj në Pogradec. Sipas policisë fillimisht zjarri ka rënë në një automjet i cili është djegur plotësisht, dhe më pas ka përfshirë edhe dy automjete të tjera të parkuara afër tij.
“Rreth orës 01:30, në fshatin Rrëmenj, dyshohet se aksidentalisht, ka rënë zjarr në automjetin tip “Volswagen”, në pronësi të shtetasit L. D. Si pasojë është djegur plotësisht ky automjet dhe pjesërisht 2 automjete të parkuara afër tij”, thuhet në njoftimin e policisë.
Grupi hetimor po punon për përcaktimin e shkakut të rënies së zjarrit.
/abcnews.al/
