Në pritje të një mrekullie gjithnjë e më të pamundur midis rrënojave në Shqipëri vazhdojnë kërkimet për gjetjen e trupave.
Mediat e huaja kanë pasqyruar gjërësisht tërmetin që tronditi vendin. “Kosovarë, serb, shqiptarë, kroatë, krah më krah punojnë në gërmadhat e Durrësit e Thumanës”, shkruan e përditshmja italiane corriere.it
Kosovarët, serbët, shqiptarët, kroatët, maqedonasit, krah për krah në rrënojat e Durrësit dhe Thumanës. Saktësisht njëzet vjet pas luftës në Kosovë, për herë të parë pas shpërbërjes së saj të përgjakshme midis përleshjeve derë më derë dhe spastrimit etnik. Në emër të solidaritetit, Ballkani është bashkuar, edhe nëse vetëm për disa ditë, në përpjekje për të trajtuar tërmetin që goditi bregdetin shqiptar natën midis të hënës dhe të martës, shkruajnë media italiane.
Që prej ditës së djeshme, ekipet e shpëtimit të dërguar nga Prishtina, Beogradi, Tirana, Zagreb, Shkup, takohen në bllokimin e trafikut të shpëtimit që është formuar gjatë 48 orëve të fundit përgjatë rrugëve të lagjeve të prekura nga tërmeti. Zjarrfikësit, ushtarët, njësitë qenore, ekipe të shënuara me uniforma dhe flamuj dikur ashpër armiqësor, janë bërë bashkë për të ndihmuar viktimat. Ata mund të mos vëllazërohen, por bashkojnë forcat drejt një qëllimi të përbashkët./abcnews.al
