Gjykata Kushtetuese e Rumanisë shtyu vendimin për të anuluar raundin e parë të zgjedhjeve presidenciale deri më 2 dhjetor, pas dyshimeve për ndërhyrje në fushatë.
Rezultatet e para, ku kandidati i ekstremit të djathtë Calin Georgescu doli i pari, ngjallën shqetësime, veçanërisht për ndikimin e mundshëm të aktorëve të huaj, si Rusia. Autoritetet rumune kërkuan një rivotim të 9.46 milionë votave dhe shqyrtojnë kërkesën e një kandidati të humbur për të anuluar votimin e parë.
Pasiguria ka shkaktuar kaos politik, ndërsa partitë e ekstremit të djathtë, si Aleanca për Bashkimin e Rumunëve (AUR), pritet të shënojnë rritje në zgjedhjet parlamentare të dielën. Nëse Gjykata Kushtetuese anullon rezultatin, mund të shpallen rivotime më 15 dhjetor dhe raundi i dytë presidencial mund të mbahet më 29 dhjetor.
Georgescu, që ka kritikuar NATO-n dhe ka lavdëruar liderët fashistë, është akuzuar për përdorimin e TikTok pa etiketuar përmbajtjen si të lidhur me zgjedhjet, ndërsa Rusia ka mohuar çdo ndikim. Ekspertët paralajmërojnë se kaosi politik mund të thellojë mosbesimin e publikut në institucionet kombëtare. /abcneës.al
