Në Tiranë ka nisur puna për ndërtimin e Kampusit të Kolegjit të Europës. Katër godinat ku do të qëndrojnë studentë vendas dhe të huaj do të ngrihen në “Qytetin Studenti”.
“Përbëhet nga 4 godina, godina e librarisë dhe disa shërbime për të rinjtë dhe studentët. Godina e dytë është ajo e klasave dhe ambienteve mësimore. Godina e tretë është ajo për zyrat dhe shërbimet e tjera ndihmëse në funksion të kolegjit dhe godina qendrore është ajo e një salle të madhe, e një aure të madhe për studentët, por dhe për takime të ndryshme”
Kryeministri Edi Rama inspektoi punimet bashkë me ministren e Arsimit, Rektoren e Kolegjit dhe drejtorin e Fondit Shqiptar të Zhvillimit
“Është një ditë simbolike sepse së pari bie shi, dhe sjell bollëk, dhe është dita e çlirimit, ditëlindja e 80 që simbolikisht sjell mirësi për Kolegjin”
Kampusi parashikohet të jetë gati pas dy vitesh. Me përfundimin e tij pritet dhe shtim I numrit të studentëve që do të jenë pjesë e Kolegjit të Evropës në Tiranë./abcnews.al
