Kaluan oqeanin për të festuar 28 nëntorin në Tiranë. Sibia dhe Mustafa Pelinku, me origjinë nga Ulqini, jetojnë prej 50 vitesh në Shtetet e Bashkuara të Amerikës.
Çdo vit kanë ndjekur paradën e shqiptarëve në New York, ndërsa këtë vit erdhën në Tiranë për 112 vjetorin e Pavarësisë.
Gëzimin e kësaj dite në atmosferën kuq e zi të Tiranës e përshkruajnë me emocion.
“Shumë po gëzohna që po kalojmë këtë ditë në Shqipëri.”, tha Sibia.
“Është shumë e bukur së në Neëyork. Ketu me emocionuese. Ne kemi 50 vjet në New York.“, shtoi Mustafai.
Çifti i bashkëshortëve thonë se vazhdimisht flasin në gjuhën shqipe, ndërsa malli për vendin e tyre i shoqëron gjithmonë.
“Na mungon të dhemb shpirt për vendin tënd, nuk ka fjalë qe e shpjegon. Zemra që kemi ne shqiptaret kurrkund ne bote nuk gjendet.”, thotë Sibia.
Është hera e dytë që vizitojnë Shqipërinë pas më shumë se dy dekadash. Sibia e ka ende të freskët emocionin e përjetuar ku kaloi kufirin e Malit të Zi, për herë të parë pas rënies së diktaturës komuniste.
“Hera e parë ka qenë para 20 vjetëve, kur kemi kaluar kufirin e Malësisë na u rrënqeth trupi. Është vendi jonë, gjuha jonë. Ne kemi qenë të ndarë për komunizmin. Unë i kam gjyshërit dhe stërgjyshërit nga Shkodra.”
Sibia dhe Mustafai thonë se ndjenjën e patriotizmit e kanë përcjelle edhe te katër fëmijët e tyre, të cilëve janë kujdesur t’ju mësojnë gjuhën shqipe.
Përveç emocioneve të festës, nga Tirana nuk do të largohen pa provuar gatimet shqiptare.
“Tavën e kosit dua ta provoj patjetër. Byrek me spinaq.”/abcnews.al
