Prezantuesi veteran australian, Alan Jones është akuzuar për abuzim seksual me shtatë burra dhe një djalë 17-vjeçar. 83-vjeçari u arrestua në apartamentin e tij në Sidnei, ndërsa detektivët nga Skuadra e Abuzimit të Fëmijëve të Policisë së Uellsit të Ri Jugor (NSW) kontrolluan pronën dhe sekuestruan pajisje elektronike.
Jones është një nga figurat më me ndikim të medias në Australi dhe më parë ka mohuar akuzat për abuzim, të publikuara për herë të parë në 2023. Ai tani përballet me 24 akuza për vepra që dyshohet se janë kryer midis viteve 2001 dhe 2019, duke përfshirë 11 akuza për sulm të rënduar të pahijshëm.
Policia tha se disa nga viktimat e supozuara e njihnin personalisht titanin e radios dhe se të paktën një ishte i punësuar nga ai. Të tjerët dyshohet se u sulmuan herën e parë që e takuan atë.
Jones i është dhënë lirimi me kusht dhe do të përballet me gjykatën më 18 dhjetor./abcnews.al
