Myzafer Zifla dhe Yllka Mujo rrëmbyen dy çmimet e mëdha të Festivalit të Aktrimit Apollon, që u zhvillua gjatë kesaj jave ne Fier, në edicionin e tij të 15-të.
Juria e Festivalit, me emra si Luiza Xhuvani, Alfred Trebicka, Katerina Polikronopulu, Adriana Mile i kanë dhënë çmimin Aktorja më i mirë Protagoniste aktores Yllka Mujo në shfaqjen “7 Minuta” dhe çmimin Aktori më i mirë Protagonist aktorit Myzafer Zifla, në rolin e Dr. Frojdit.
Çmimet për aktorin dhe aktoren jo protagoniste, shkuan për Gazmend Pajën dhe Zamira Kitën.
Për herë të parë në këtë festival u ndanë 4 çmime IN MEMORIAM për aktorë të shquar fierakë të ndarë nga jeta; Dhimitër Jano, Fatos Sela, Muhamet Sherri dhe Hajrie Rondo.
Në festivali i aktrimit Apollon morën pjesë 6 trupa teatrore, në të cilat interpretuan 30 aktorë./abcnews.al
