Trajneri i Teutës, Bledi Shkëmbi, është i ftuar në emisionin Pressing në ABC News. Tekniku i “Djemve të Detit” foli për ndeshjen kundër Vllaznisë në “Loro Boriçi” dhe për disa tema të tjera.
DRITAT NË SHKODËR -“Është e çuditshme, pasi ekipet të Teutës i ka ndodhur dy herë, edhe me Tiranën. Është diçka e keqe për futbollistët, në Shkodër ishte ftohtë dhe futbollistët e kishin problem”.
MALA – “Në fakt, është ajo që tha Starova, ndoshta ne duhet të dimë më shumë detaje. Në këtë situatë, klubi ka të drejtë pasi ka investuar dhe nëse atij i është ofruar rinovimi që në muajt e verës, tani duhet të kishim një drejtim. Nuk mendoj se i ka problemet Mala, por po vepron agjenti i tij”.
PARTIZANI – “Përderisa është në vend të parë dhe me katër pikë më shumë se ekipi i dytë, mendoj se është ekip më i fortë se vjet. Ka më shumë alternativa dhe kampionati është i gjatë. Çfarëdo mungese të ketë te Partizani, nuk ka asnjë problem. Mala është lojtar shumë i mirë dhe Partizani e bën lojtar të vogël, në kuptimin figurativ. Kjo gjë tregon se kjo skuadër është shumë e fortë”.
